登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

开心狐狸地带

今朝开心,听朝更开心,后朝超开心!

 
 
 

日志

 
 
关于我

广州人一个啰,除了靓仔DD,型少少,仲有读书OK啰!优点是很多的,但缺点也有一个,就系优点多都数唔晒啰!

23中师兄眼中的“23中”  

2008-06-08 22:16:25|  分类: 教育信息 |  标签: |举报 |字号 订阅

  下载LOFTER 我的照片书  |

        一. 校園環境
        廣州市二十三中位于繁華既上下九路既一條可愛既金魚街. 由于从十埔名都直产去二十三中, 需要經過一條比較漫長既路程, 而呢條路充滿既都係賣金魚既店鋪, [當然, 貓貓狗狗都唔少.] 所以俗稱"金魚街".因為二十三中學只有初中部, 所以校舍好细, 更加谈不上会荡失路既问题, 大家唔洗担心~校园环境就唔係好靓, 我静係记得我地学校范围得两棵算係树既树. 一棵係教导处前面, 一棵係操场过度. 通常都係操场果棵发挥到作用, 热天果时大家上体育课都係係树荫底下上既。
        学校大致环境介绍:
        一入校门口, 就係传达室, 基本上呢个传达室入面都冇人既, 而且比较细, 话就话有两个保安, 其实冇咩用既, 只係係出面着住套制服斋企, 其他都冇咩好讲了.行多两步, 就係一号楼--统称前楼, 係每个入黎二十三中既同学既窦口. 再行前小小, 就係操场同埋饭堂, 饭堂旁边就係一个小小既拱门, 我都唔知有咩用. 係操场向左望, 会见到二号楼--逸夫楼, 同埋一个扩充左小小既小型羽毛球场, 老师话, 我地学校, 扩充呢忽地花左好似几百万, 本人认为太过夸张, 当然同学仔唔需要知道咁多. 再行入d就係后楼, 跟住就冇咩比你行了.
        据我了解,每一年既课室位置都係唔同既, 当你读到初三, 你就会明白了. 详细我都唔讲了, 因为比较复杂, 惊你地唔明.学校既基本结构就係咁.

        二. 二十三中基本須知
        入黎既同学仔必须知道, 二十三中係一间区一级既学校, 老师再三强调我地学校係师资係得既, 但係我地学校叻既学生唔係冇, 係稀少.. 通常大家初一初二都係感觉唔到压力既, 虽然我依家初三仲未感觉到有咩压力..-_-  但係, 初三学生都话要努力, 做到既人少之又少.. 当然如果你想努力既话, 係绝对可以既.据我了解, 呢届初一既好学生特别多, 见好多家长黎接学生放学, 其实唔洗咁担心, 二十三中已经冇咩暴力事件出现了, 而且隔离就係灰局, (遮係警察局) 就算係打交都冇可能係校门口打, 不仅散打会过黎, 隔离既阿sir会係短时间内出现, 速度十分惊人, 而且, 依家我放学基本上都可以见到两个阿sir係出面及住, 所以搞唔出d咩.

        三. 飯堂須知
        饭堂係大家既需要, 我地学校既饭堂搞得都算几好. 由早上7.15分开学入黎, 饭堂既阿姨叔叔就standby晒係度, 有个阿姨转为大家将D银纸化为学校通用既好似RMB既卡仔, 有写住:一蚊/五角. 跟住你就可以巴巴闭闭咁去买野食了. 饭堂有分既:卖包包既, 虾饼既, 鸡翅既, 大鸡既, 奶茶既, 红豆沙等等之类既就係左面.  右面既就卖肠粉既, 粉面啊咁. 当然饭堂D野唔算贵, 最贵都係2.5RMB. 狂食你都食唔够10蚊, 当然如果你想做Superman请人食野, 咁就冇符了..
上午既饭堂係比较冷清既, 中午就真係吓死你果只, 好采饭堂入面有两把可以吹到你飞起既风扇(当然呢个我运用左夸张句), 不过如果係夏天会让你感觉到一种即刻想死既感觉, 但係饭堂中午既时间从来未少人过. 饭就冇可能少比你, 你话加饭佢就即刻加, 虽然态度唔係咁好. 菜既质量都ok, 量比较少, 当然你都可以加菜, 我唔记得几钱加一个菜, 都係两蚊以下既遮~ 饭就4.5RMB一个, 你冇自备饭盒你可以摞饭堂既盘, 尚算干净咁啦, 到时你落去比翻个盘比个饭堂阿姨, 佢就会比翻五毫纸你, 而呢五毫係学校专用既卡仔, 你千其唔好摞出去买其他野食, 好可能会即刻比人送你去青山都似.
        早上既饭堂通常係八点左右会关闭, 课间有时会开饭堂, 但係D饭堂阿姨绝对唔会比你出去食, 因为惊比D领导见到, 其实我觉得, 你开左半个饭堂门, 你不如开埋果边啦, 有咩分别, 你古D领导傻架, 呢样野係我比较唔了解既, 跟住係11点30分左右, D第四节课唔洗上既老师大多会去摞饭, 到左12点05分, 放学既时候, 饭堂即刻布满人, 我仲要见到D初一既小朋友, 摞住个饭盒就跑去饭堂, 好似惊饭堂D送会係两秒钟之内比D外星人抢晒咁.. 係12点45分, 饭堂就会关门了, 直至第二日既早上就会开番~

        四. 新生入學須知
        上午开门时间: 7.15~8.00 (8.15之后就算迟到). 
        早读: 8.00~8.15,由班主任或者第一节课既老师看管.
        第一节课係8.15开始, 9.00上完, 落课休息15分钟, 如此类推, 放学时间为12.05. 12.45关门.
        下午开门係2.00.  2.30关门上课.
        下午第一节课3.15分落课, 15分钟休息, 如此类推, 放学时间为5.05.  5.45清场.
        听讲初三既晚自修係5.10~6.00 ,其实等于冇晚修...
        晚修係初三下学期先开始既.
        番学既日期:
        初一至初三星期一至五.
        初三星期六番成日, 由8.00上到11.45. 2.00上到3.40. 一共上六节课. 全部主科.
        初一同埋初二既同学就静係番上午, 可报可五报, 通常老师都要你报, 如果你唔报既话, OK冇问题, 你要比你係出面补习既单据复制上交老师

  评论这张
 
阅读(232)| 评论(6)

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018